ទឹម រដ្ឋា រឿងស្នេហារគឺល្អធម្មតា រង់ចាំមើលចិត្ត និងស្វែងយល់ពីគ្នា ខណៈរឿងចូលរោងជ័យ មិនទាន់ជាក់លាក់
ភ្នំពេញ៖ តារាសម្តែងនិងបង្ហាញម៉ូដដ៏សិចស៊ី កញ្ញា ទឹម រដ្ឋា និយាយថា រឿងស្នេហារវាងនាងនិងសង្សារ ពេលនេះគឺល្អធម្មតាដោយនៅរង់ចាំមើលចិត្តនិងស្វែងយល់ពីគ្នា ចំណែករឿងចូលរោងជ័យមិនទាន់ជាក់លាក់ ។
អ្នកបង្ហាញម៉ូដរាងស្លីមនិងសិចស៊ី កញ្ញា ទឹម រដ្ឋា បានឲ្យដឹងថា ចំពោះស្នេហារវាងនាងនិងសង្សារ ពេលនេះគឺល្អធម្មតាដោយនៅរង់ចាំមើលចិត្តនិងស្វែងយល់ពីគ្នាឱ្យបានល្អជាជាមុនសម្រាប់ការរួមរស់នៅជាមួយគ្នានាពេលខាងមុខនេះ ។ប៉ុន្តែពេលវេលារៀបការជាមួយដៃគូររបស់នាងនោះ នាងមិនទាន់អាចបញ្ជាក់បានឡើយ ដោយនាងចង់ចំណាយពេលវេលាឱ្យច្រើនជាងនេះ មើលសង្សាររបស់នាងដែលជនជាតិខ្មែរអាមេរិកមាឌធំ ថាតើស្វែងយល់ចិត្តរបស់នាងបានដល់កម្រិតណា។
តារាស្រីដែលសម្បូរមន្តស្នេហ៍ចំពោះបុរសបរទេសរូបនេះបានបង្ហើបថា បើទោះបីជានាងកន្លងមកតែនាងបាក់ស្នេហាជាមួយបុរសជាច្រើនយ៉ាងណាក៏ដោយ ក៏នាងនៅតែ បន្តស្វែងយល់និងសំលឹងមើលបុរសល្អបន្តទៀតប្រសិនបើបុរសមួយណាមិនអាចផ្តល់ទំនុបចិត្តនិងការមើលថែរូបនាងបាននោះ។ ទោះជានាងបានបរាជ័យជាមួយបុរសអឺរ៉ុប ឬបុរសអន្តរជាតិម្នាក់ពីរនាក់រួចហើយក៏ដោយក៏នៅតែនាងមិនចាប់អារម្មណ៍ស្រលាញ់បុរសខ្មែរបានឡើយ ។ នាងមានពេញចិត្តតែបុរសក្រៅប្រទេស ជាប់រហូតមកហើយ។
ទោះយ៉ាងណាក៏ដោយ កញ្ញាទឹម រដ្ឋា បានប្រាប់ថា សង្សាររបស់នាងដែលអាមេរិកកាំងនោះ សព្វថ្ងៃនៅទាក់ទងជាមួយនាងជាធម្មតាហើយទំនាក់ទំនងស្នេហាវិញគឺល្អប្រសើរ ដែលអាចនៅជាមួយគ្នាបាន។
ប៉ុន្តែនាងបានបដិសេធចំពោះរឿងនាងនៅជាមួយសង្សារនោះ រំលងប្រពៃណីខ្មែរ ។នាងនៅតែងតែអះអាងថា បើទោះបីជាស្រលាញ់ខ្លាំងប៉ុណ្ណាក៏ដោយនាងក៏មិនអាចនៅផ្ទះជាមួយគ្នា ធ្វើឱ្យគ្រួសាររបស់នាងបាក់មុខដោយមិនបានឆ្លងពិធីមង្គលការតាមប្រពៃណីខ្មែរជាមុននោះឡើយ។ សូមជម្រាបថា កញ្ញាទឹម រដ្ឋា បានបង្ហាញរូបភាពកៀកកើយជាមួយគូស្នេហ៍ថ្មីរបស់នាងតាមហ្វេសប៊ុកពីទឹកដីអង្គរខេត្តសៀមរាប កាលពីពេល ថ្មីៗកន្លងមកស្របពេលដែលគូស្នេហ៍ចាស់របស់នាងក៏បានបង្ហាញមុខគូស្នេហ៍ថ្មីរបស់ខ្លួនដែរ។
គូស្នេហ៍ថ្មីរបស់ទឹម រដ្ឋា គឺជាជនបរទេស មិនមែនជាជនជាតិខ្មែរទេ ។ សង្សាររបស់ ទឹម រដ្ឋា ជាជនជាតិអាមេរិកាំង និងមានមុខរបរអ្វីនៅក្នុងស្រុក ឬនៅក្រៅស្រុកទេ ប៉ុន្តែគេគ្រាន់តែដឹងថា បុរសម្នាក់នោះឈ្មោះ JovanyAntonio ៕
ប្រភព : ដើមអម្ពិល
ដោយឡែក ព័ត៌មានគួរឲ្យចាប់អារម្មណ៍មួយផ្សេងទៀត៖
ថៃ៖ កាលពីពេលថ្មីៗកន្លងទៅនេះ អ្នកគ្រូពេទ្រធ្មេញដ៏ស្រស់ស្អាតម្នាក់ ដែលត្រូវគេស្គាល់ឈ្មោះថា Toey បានធ្វើឲ្យអ្នកលេងបណ្តាញសង្គម មានការជ្រួលជ្រើមយ៉ាងខ្លាំង ដោយសារសម្រស់ បូករួមនឹងស្នាមញញឹមដ៏ទាក់ទាញ ហើយជាពិសេសទៀតនោះ គឺជំនាញព្យាបាលធ្មេញរបស់នាងតែម្តង។
កញ្ញា Toey បានបញ្ចប់ការសិក្សានៅសាកលវិទ្យាល័យ Chulalongkorn ហើយនាងក៏ជានិស្សិតឆ្នើមប្រចាំនៅសាកលវិទ្យាល័យដ៏ល្បីឈ្មោះមួយនេះផងដែរ។
បើយោងតាមរូបភាពមួយចំនួនដែលនាងបានបង្ហោះទៅក្នុងគណនីបណ្តាញសង្គមហ្វេសប៊ុក និងអ៊ីនស្តាក្រាម គេអាចដឹងថានាងជានារីម្នាក់ដែលចូលចិត្តដើរញ៉ាំអាហារ និងដើរលេងកម្សាន្តផងដែរ។ លើសពីនេះ រូបភាពចាស់ៗដែលនាងបានបង្ហោះជាយូរណាស់មកហើយ ក៏បានបង្ហាញឲ្យឃើញថា នាងធ្លាប់បានពត់តម្រង់ធ្មេញ ទើបបានជានាងមានធ្មេញត្រង់ជួរស្មើ និងសភ្លឺរលោងបែបនេះ។
អ្នកលេងបណ្តាញសង្គមជាច្រើនបានកោតសរសើរ Toey ថានាងល្អទាំងព្រមតែម្តង និងថានាងមានទាំងចំណេះដឹង និងរូបសម្រស់ រហូតដល់ថ្នាក់មានអ្នកខ្លះនិយាយលេងសើចថា នាងបានធ្វើឲ្យមនុស្សមួយចំនួនចាប់ផ្តើមឈឺធ្មេញ ដោយសារតែស្នាមញញឹមដែលពោរពេញដោយជាតិផ្អែមរបស់នាង៕
Post a Comment